ملاك الروح
مراقب عام
عدد المساهمات : 787
نقاط : 16785
تاريخ التسجيل : 12/06/2010
العمر : 31
 | موضوع: جميع الناس تتغير ،،  الجمعة يونيو 18, 2010 9:53 pm | |
| [ندعوك للتسجيل في المنتدى أو التعريف بنفسك لمعاينة هذه الصورة]
تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح !
يعني جرحي ما يهمِّك ..!؟
وعادي عندك لو t]أضيق ]
إنسى إنَّ إسمك .. حبيبي
صير لي عون و صديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !
[ندعوك للتسجيل في المنتدى أو التعريف بنفسك لمعاينة هذه الصورة]
عليك شلون ما أزعل ؟
وتسوِّي أشياء تجرحني !
تضايقني بـ أفعالك ..وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
t]ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه ،،
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!
[ندعوك للتسجيل في المنتدى أو التعريف بنفسك لمعاينة هذه الصورة]
تدري وش ينهي غيابك ؟!
ينهي أحلامي و t]طموحي ]
ويبتدي مشوار حزني ..
وتنتشر فيني جروحي !
ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !
كيف أضحك ؟!
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..
ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..
شفت كل الدنيا هذي ؟!
ما تساوي أي شي !
قمت أسأل نفسي t]وييينك ] ..
من معاي ؟
ومن علي !
وبـ/النهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!
[ندعوك للتسجيل في المنتدى أو التعريف بنفسك لمعاينة هذه الصورة]
تدري وش " يقتل " غيابك ؟!
يقتل إحساسي و عمري !
وين رايح عن عيوني ؟
ليه ؟
تو الناس !
بدري !
أدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!
وإن سأل عني قليبك ؟!
لا تفكِّر في الجواب !
قول t]إحتاجك ] حبيبك ..
وإنت لاهي بـ الغياب !
من يحبك
......... وش مصيره ؟!
" يحترق " قلبه أكيد !
تنهي أحلامه الكبيرهـ ..
وتبدى في حبٍ جديد !
ولا يهمك قلب حبّك !
وضحَّى في عمره / عشانك ..
المهم يرتاح قلبك ..وتلقى في الدنيا / مكانك !
صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك ..~
[ندعوك للتسجيل في المنتدى أو التعريف بنفسك لمعاينة هذه الصورة]
تدري وش بكَّى غيابك ؟
موق عين اللي تحب !
متهني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !
إستحَت منِّك t]طعوني ] ..
وما قويت أصير ضدِّك !
ليت ما شافت عيوني
من يذمني t]ضيف ] عندك !
إنسَحَب فرحي / وطموحي
وينك عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!
دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "
مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!
فدوه لك جرحي و ضيقي ,,
المهم قلبك يحب
تدري وش موتي الـ حقيقي ؟!
[ من حياتي تنسحب ]
[ندعوك للتسجيل في المنتدى أو التعريف بنفسك لمعاينة هذه الصورة]
تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !
غيبتك كانت خساره
إفهم التعبير زين
من ترك قلبك دياره
وجه جدرانها ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !
وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوّى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !
مما راق لي ،،
[ندعوك للتسجيل في المنتدى أو التعريف بنفسك لمعاينة هذه الصورة] | |
|
بحر الشوق
مشرف
عدد المساهمات : 258
نقاط : 16201
تاريخ التسجيل : 30/05/2010
| |
ملاك الروح
مراقب عام
عدد المساهمات : 787
نقاط : 16785
تاريخ التسجيل : 12/06/2010
العمر : 31
| | موضوع: رد: جميع الناس تتغير ،، الأربعاء يونيو 23, 2010 4:36 pm | |
| نورت الصفحة بطلتك الغالية
ما انحرم منك ، | |
|
درب المحبة
المدير العام
عدد المساهمات : 820
نقاط : 16956
تاريخ التسجيل : 28/05/2010
العمر : 34
| | موضوع: رد: جميع الناس تتغير ،، الأربعاء يونيو 23, 2010 5:06 pm | |
| تدري وش بكَّى غيابك ؟
موق عين اللي تحب !
متهني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
صراحة ولا اروع
يسلمو ملاااااااك
| |
|
ملاك الروح
مراقب عام
عدد المساهمات : 787
نقاط : 16785
تاريخ التسجيل : 12/06/2010
العمر : 31
| | موضوع: رد: جميع الناس تتغير ،، الأربعاء يونيو 23, 2010 5:26 pm | |
| | |
|
