إصبر ياقلبي وإنتظر خل الحزن مكتوم

السلام عليكم اقدم لكم مجموعة رسائل اتمنى ان تنال اعجابكم

ياما رجيتك علني أفهم الدرس
تضحك لي أنفاسي وتبكي لي أوراق
لا تحسب إني في رجا رحمة الشمس
أموت والله ما أنتظر لحظة
إشـــــراق !

ماخبرت الحب أنا قبلك صعب
لين أعماني من الريح الغبار
كل عمر راح قبلك ما إنحسب
تايه مالي بلاد ولا ديار
كان لي حنيت ذا عز الطلب
وكان ماحنيت
"نسيانك قـــرار"

قطعت الوصل ياشاطر
قوي القلب تعجبني
تحسب إني أنا ناطر
وشوقي لك معذبني ؟
وأنا ماهزني هاجر
ولعب عيال ضحكني
ولكن خلك الصابر
وعلى فرقاك عودني
عشان أنساك في الآخر
ومثلك مايشرفني

تبي الصراحه ماعرفنا نواياك
تشد الحبل ثم ترجع وترخيه
لك مدة وانت تكرر خطاياك
ماني بجاهل تزعله ثم ترضيه
إن كنت ناوي بالهجر مامنعناك
قبلك فقدنا من نعزه ونغليه !

إصبر ياقلبي وإنتظر خل الحزن مكتوم
كل المعاني تغيرت واتضحت الصوره
صار الصدق في هالزمن مثل الوفا معدوم
ونفوسنا تجرحت والفرحه مكسوره
كل المباديء تنشرى واللي معاه يسوم
حتى المشاعر أرخصت والكلمه
"مـــهـــدوره"

الله يرحم حبنا اللي قتلتيه
جفت دموعي والبقيه في حياتك !
انتي بديتي الحب وانتي نهيتيه
اقري عليه الفاتحه في صلاتك
مره لبستي الحب ومرات شلتيه
هذا الهوى لا تحسبينه عباتك
قلتي احفظه تذكار وقلت لك مابيه
تذكار حبي هو
شهـــادة وفاتـــك !

مجبور نضحك يازمان العجايب
دام البشر صار بوجه وجهين
غصب علينا نبتسم للمصايب
دنيا نسايرها على العسر واللين
منها بكى طفل صغير وشايب
وياما ضحك منها عليها مجانين !

من يزرع الورده على الصخر غلطان
مثل الذي ينقش على الماء قصيده
خدعتني مالي عليك أي برهان
وإن انهضم حق الخوي من يعيده ؟!
قل وش بقى عقب الذي بالهوى كان
وإذا نقص عمر الهوى من يزيده ؟!

قلت : انتهينا
وقلت لك : خير ياطير ؟
مانيب أول شخص يخسر غرامه
ماكان حبك غير , بس طعنتك غير
علمتني معنى الندم
والنـــدامـه

كل شي يقول بنفـتـرق
قبل الفراق ,, بنــفترق !
اللي بقى من الكحل بعيون فرحتنا
قريـــب بينسرق
واللي بقى من البحر بأصابعي وأصابعك
بيـــحترق

أنا مالك أمل فيني ولو في الإصبع العاشر !
تلاقينا
تفارقنا
بدينا لعبة "الأقـــــدار"
أنا حبيتك بقلبي وهذي غلطة الشاطر
مشيت خطوة إحساسي وضعت بآخر
المشـــــوار

"خطــــاي"
إني سألت وجيت أدور للغياب أسباب
خطاي إني تعلمت الوفا والناس كـــذابه
حسايف يازمن
ماعاد باقي بذا الزمن أحباب !
على حسب المصالح كل واحد يحسب
حســــابه

بودعك وإنت اللي ساكن بدمي
ابقى بعيد وروحك معي في ثيابي
وان سولفوا في حضورك عن بعض همي
قل لهم كان يعشق ريحة ترابي
قل لهم لأبلل دمع الحزن كمي
هذي دموعه ولكن هي من أسبابي !

يسلموو بحر الوفاء

لاتحرمنا جديدك

يسلمو
ننتظر جديدك

هلا فيكم

شكرا لمروركم

حلوه كتيييييييييييييييير
هههههههههههه

"خطــــاي"
إني سألت وجيت أدور للغياب أسباب
خطاي إني تعلمت الوفا والناس كـــذابه
حسايف يازمن
ماعاد باقي بذا الزمن أحباب !
على حسب المصالح كل واحد يحسب
حســــابه

مسجات رووووووووعة

يعطيك العافية بحر الوفاء

لا تحرمنا جديدك ،،

شكرا لمروركم
بحر الشوق - ملاك الروح

يسلموووب حور

مسجات روووعه

ودي الك

» مما قرأته عن الحزن